fbpx

الذكاء الاصطناعي

موضوع النهاردة بقي عن حاجة بقي الواحد بيسمع عنها في كل حاجة حوليه هي A I

اختصار لكلمة Artificial intelligence يعني الذكاء الاصطناعي ي
معظمكم سمع الكلمة دي بس ميعرفش معناها ايه بالتفصيل ولا ايه اللي ال machine بتعمله لما تبقي intelligent و هتعرف معانا Applications لل AI
وهتعرف كمان مستوياتها واوعدك بعد البوست ده هتحب جدا جدا جداا المجال ده 
فتعالي نبدأ بس ركزوا ! 
———————————————————-
كلمة Artificial intelligence كمعني منقسم لكلمتين

لو عايزين نفهم كلمة intelligence فهي ان انت تقدر تتعامل كويس في مواقف عمرها ماحصلتلك قبل كده ! بس لو بنتكلم علينا كبشر فانت بتقول ده natural intelligence

بس لان احنا عايزين نوصل ال machine لكده فبنقول ده Artificial
طيب كلام جميل وواضح ايه بقي الفايدة يعني قوللي كده بستفيد ايه ؟

– انك بتخلي ال machine بتاعك او بلفظ ادق ال * Agent* يقدر

1- Solving problems
يحل المشاكل اللي بتقابله او اللي انت بتديهاله
2- Self improving
يعلم نفسه بنفسه يتعلم من اخطاءه بحيث ميقعش فيها تاني
3-Doing functions of the natural brain
يقدر يفكر ويخطط لحركات مستقبلية من قبل مايعمل اي خطوة وهنتكلم عن الموضوع ده

– مش بس كده لا كمان ان انت تخليه يقدر يتعامل مع general language ! انت متخيل ؟ يعني انك توصل ال robot انه يفهم لغتك بدل ما كان بيفهم 1 و 0 بس !

وحاجات تانية كتير اوي تعالوا نتكلم عن ال A I فروعها واساسياتها ايه
يعني عندك
* Machine Learning
هنبقي نتكلم عنه في بوست منفصل بس عامة هو انك تعمل برنامج مثلا بيحدد لما ياخد طول وعرض اي شجرة انه يعرف نوعها فالمبرمج بيفضل يديله معلومات عن شجر ب طول وعرض بحيث انك لما توريله شجرة ميعرفهاش من طولها وعرضها يقدر يقولك دي نوعها ايه … شبه مفهوم ال AI بس هو موضوع تحسه Basis ليه يعني

*Image processing ( Computer vision )
انك تبرمج الكاميرا بتاعتك انها تقدر تعمل detecting لل objects مثلا هنتكلم برده عنها في مرة تانية بشئ من التفصيل
*natural language processing
ودي اللي اتكلمنا عنها انه يقدر يفهم لغة معقدة زي English مثلا انت متخيل ؟ يعني مش high level language لا ده حاجة اصعب بكتير جدا ..

فطبعا كل ده محتاج intelligence عالية جدا وده بقي اللي بدأ يخلي العالم كله يتوجه لل Field ده

تعالي نتكلم شوية عن ال Applications

1- Heavy industry
معظمنا بدأ يشوف ال robots اللي في المصانع في منها بقي بيبقي intelligent مش مجرد ماشي علي System معين متبرمج عليه لا ده انت بدل ماكان في مثلا واحد هو اللي واقف بيدير وبيشغل ال robot ده لما ال robot ده يخلص بقي دلوقتي في Robots هي اللي بتعمل Control علي الموضوع ده !!

2- Medicine
مش هنتكلم بس علي ال robots اللي بقت بتستخدم في اكبر المستشفيات دلوقتي وال Mechanical flexability بتاعها لا انا عايز اقولك دلوقتي في ابحاثهم بقي 90 % منها بيستخدموا ال AI Agents وفي تشخيص الحالات الموضوع فعلا رهيب جدا

3- Games
طبعا ده اشهر حاجة الناس عارفاها او سمعت عن ال AI فيه فمعظم الالعاب بيبقي في AI سواء في ال Bots او اي كلام من ده زي مثلا لعبة Chess

4- Computer science
مش محتاج تفسير طبعا ان انت دلوقتي البرامج بتاعتنا بنحاول نخليها برامج ذكية تقدر تتعامل لوحدها تقدر تساعدك في ال Data science وخلافه ..

Finance , .. etc
فالموضوع بقي شائع جدا جدا جدا 
طيب حاجة كمان ال AI انواع او بمعني اصح Levels
Strong Artificial intelligence

دي بقي ان فعلا ال Agent يقدر يفكر زي مخ البني ادم ويحلل المواقف ويتعامل مع المشاكل اللي تقابله ويفكر في كل حاجة حوليه وطبعا ده مستوي عالي جدا انه فعلا بي Act زي البشر

Weak Artificial intelligence
ده بقي زي مثلا لعبة الشطرنج ان ال Agent بيقعد يفكر ويخطط ل مليون خطوة لقدام و عليها بينفذ حركته !

برده لسه مش حاسس ان الموضوع ممتع جدااا ؟؟؟
طيب شوف الفيديو ده ! ده بقي اذكي اله اتعملت في العالم كله اتفرج علي مستوي ال AI ده مش هتكلم كتير ومش هحرق عليك الفيديو 
IBM Watson

https://www.youtube.com/watch?v=yXcDir9Y9CI

August 26, 2019

0 responses on "الذكاء الاصطناعي"

Leave a Message

Copyright © 2018 Epsilon Registered in Egypt with company no. 118268
X